Jokes from Facebook Group

بلدياتنا نجح في إنتخابات مجلس الشعب، في اول جلسة قاعد جنب واحد أفندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

---------------------------------------

واحد مسطول ماشي في الشارع لقى عمود نور مكتوب عليه شقه للإيجار راح قعد يخبط على العمود لغاية مجاله مسطول تاني قاله بتعمل ايه هنا قاله اصلي لقيت مكتوب شقه للإيجار قعدت اخبط ومحدش فتح لي قاله غريبه مع ان الجماعه منورين النور فوق

---------------------------------------

مرة اثنين عندهم كلاب صيد صاحب الكلب الاول أول ما يضرب طلقة من البندقية يجرى الكلب ويروح يجيب الفريسة
والثانى أول ما يضرب الطلقة كلبه يكّش فنصحة صاحبة انه يروح أفراح في الارياف، فالكلب هيتعود على صوت البندقية راح الارياف وفضل يحضر فى افراح لمدة 6 شهور
وبعدين رجع يصطاد، راح ضارب طلقة من البندقية راح الكلب وقف على رجله وقعد يزغرط

الصعيدي المخترع

واحد بواب اخترع صاروخ ، بعتوه امريكا علشان يسجل الأختراع بتاعه، العلماء قالوله استنى دورك قالهم : انا ما نجدرش نسيب البوابه وحده ، ورجع مصر.
بعد فتره العلماء اطلقوا الصاروخ فطلع كام متر لفوق ، حاولوا ينزلوه أو حتى يطلعوه مافيش فايده ، بعتوا جابوا المخترع من مصر وقالوله المشكله ، أول ماوصل رفع وشه لفوق وبص للصاروخ وقاله: أقفل الباب ياللى فوق

شكراً (فارس ثابت)

أسد في السعودية

اسد قالولو حنسفرك السعودية .. الاسد فرح جدا وقالك بقى دى بلد اللحمة والفتة وحنعيش
الاسد وصل السعودية وفى اول يوم مستنى الغدا الحارس رمالوا موزة .. الاسد استغرب قوى وسكت.
تانى يوم فى الغدا الحارس بردوا قطعلوا موزة ورمهالوا .. الاسد قال ايه العبط ده .. وراح ماسك الحارس وقاله انا ايه؟ قاله اسد .. والاسد بياكل ايه؟ قاله لحمة .. قاله طب ايه الموز ده .. الحارس قاله: 'ماهو انت داخل السعودية بتاشيرة قرد'.

نكتة قديمة

كان فيه مرة واحد ماعندوش في راسه غير 3 شعرات بس راح للحلاق

فقال للحلاق افرقلي من الجنب

الحلاق جه يفرق من الجنب اتقطعت شعرة

قاله خلاص افرقلي من النص

الحلاق جه يفرق من النص اتقطعت شعرة

فالحلاق قاله ما بقاش فاضل غير شعرة واحدة

قاله انكشها

========================

النشرة المرورية

رمضان كريم

مذيعة بتسأل واحد حشاش : "تحب تسمع إيه بمناسبة شهر رمضان الكريم؟"

قال لها : "رجب.. حوش صاحبك عني"


منقول شريف نجيب : هدوء نسبي

رايح جاي

أستاذ جتله بعثة فى دول أوروبية, فأخذ مراته وراح , وما في تسع شهور وإلا مراته حامل وجابتله ولد أشقرعيونه ملونة , فاستغرب الاستاذ
وسألها: ايه ده.

فجاوبته: أنت بتروح عالمدرسة وأنا بقعد عالبلكون أوروبي رايح وأوروبي جاية الظاهر إني توحمت على شي أوروبي.

فهز راسه الاستاذ وقالها: ما فيش مشكلة.

وبعد فترة جته بعثة على دول جنوب افريقيا وكمان ما في تسع شهور وإلا مراته حامل وجابتله ولد أسود شفايفه كبار وشعره مجعد, نط الاستاذ وقالها:

ايه ده

قالت له: أنت بتروح على المدرسة وأنا بقعد بالبلكون جنوب إفريقي رايح وجنوب إفريقي جاية الظاهر إني توحمت على شي جنوب إفريقي.

قالها ما فيش مشكلة.

وبعد كده رجع على بلده على بيت أهله .. استقبلته أمه, واستغربت أشد الاستغراب وقالتله مين دول.

قالها:ولادي,

قالتله: ازاى,

فشرح لها أن مراته مرة توحمت على أوروبي ومرة على جنوب إفريقي,

فهزت راسها وقالتله : بتعرف يا ابني أنا كنت كده وقت ولادتك.

قالها: معقول ماما ولا مرة حكيتيلي على الموضوع ده.

قالتله : أبوك كان يروح على الأرض وأنا قاعدة بأرض الدار, حمار رايح حمار جاي

لغاية لما خلفتك

من متولي

حمادة سلطان

أم النكتة

مرة واحد مخنوق من الدنيا كلها رن جرس الباب الساعة 10 صباحا فتح
الباب لقى وحدة مذيعة بتقله ممكن نعرف بتعمل ايه لما تقوم من النوم
قال انا بقوم من ام النوم
اروح ام الحمام
افتح ام الحنفية
اغسل ام وشى
اروح ام الغرفة
اقلع ام الترنج
البس ام البنطلون
انزل من ام الشقة
اركب ام الاتوبيس
انزل من ام الاتوبيس
اروح ام الشغل
وبعد ما اخلص ام الشغل
ارجع ام البيت وخلاص
فقالت المزيعة شكرا يا فندم ويلعن ام البرنامج اللى خلانا نشوف
ام وشك



.....

من متولي

صعيدي في المطار

واحد صعيدي كان مسافر فلما وصل المطار لقاهم مركبين جهاز جديد عبارة عن مرايا لما تقف قدامها تعرف عنك كل حاجة, فالصعيدي انبسط و راح وقف قدام المرايا
المرايا قالت: أنت هريدي من الصعيد و عندك طيارة كمان نص ساعة
الصعيدي اتبسط و راح لبس خواجه و راح تاني وقف قدام المرايا,
المرايا قالت: انت هريدي من الصعيد و عندك طيارة كمان ربع ساعة
الصعيدي راح لبس خليجي و راح تاني وقف قدام المرايا
المرايا قالتله, ايوة انت هريدي من الصعيد خليك قاعد تستهبل كده لحد ما الطيارة تروح عليك

نكت جديدة من شكر

واحد قاعد في أمان الله بيقرا الجرنان، وفجأة جت مراته وضربته بغطا الحلة
فوق دماغه... طرررررخ!!!
الزوج : "فيه ايه يا بنت الحلال؟ ليه كدا ؟؟؟"
الزوجة : "ايه الورقه اللي في جيب بدلتك ومكتوب عليها "سوسو"؟؟"
الزوج: "يا بنت الحلال، ده اسم الحصان اللى بنشجعه في السباق!" الزوجه صدقته وراحت لحالها...
بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا
الحلة على راسه !!
الزوج: "خير يابنت الحلال في ايه تاني؟؟"
الزوجه:"حصانك على التليفون
-------------------------------------
ابو العربى قابل مذيعة قالت له انا سمعت كتير عن بطولاتك فى الحرب...
قالها طبعا ابو العربى يسد فى كل مكان فى 48 واليمن و56 و67 و73 والعراق...
قالت المذيعه طب هأسألك كام سؤال...
- لو انت فى الحرب وطلع عليك دبابتين ومعاك قنبلتين هتعمل ايه؟
-قالها: هادخل عليهم وأفجرهم
-طيب لو خمسه؟؟؟؟؟؟
قالها: هادخل عليهم بالسلاح الأبيض
-طيب لو اربع دبابات... و عشر عساكر... وطيارتين؟
قالها جرى ايه يا وليه هو مفيش حد بيحارب غيرى وللا إيه؟؟؟

الحرب العالمية الثالثة

مرة الفلاحين أعلنوا الحرب على الصعايدة عشان الصعايدة بيتقال عليهم نكت و الفلاحين لأ, واحد فصيح من الفلاحين قام قال
احنا لازم نعمل خطة عشان نهزم الصعايدة, احنا ننادي نقول يا محمدين يطلع محمدين نقتله, يا حسنين يضلع حسنين نقتله, يا عوضين يطلع عوضين نقتله
المهم نفذوا الخطة دي و قتلوا صعايدة كتير قوي, الصعايدة اجتمعوا و طلع واحد فصيح من الصعايدة و قال
احنا لما يندهوا على محمدين نطلعلهم حسنين و لما يندهوا على حسنين نطلعلهم عوضين
...........................................

البيضة و الا الحمرا

صحفيه تجرى لقاء مع واحد من ملاّك الأبقار
الصحفية : أنت بتأكــــل البقر إيه ؟
المزارع : انهي فيهم البيضا ولا الحمرا ؟؟
قالت : البيضا
قال : البيضا بأكلها برسيم
قالت : والحمرا
قال : و الحمرا برضو برسيم
قالت : طيب بتسكنهم فين؟
قال : انهي فيهم البيضا ولا الحمرا؟؟
قالت : البيضا
قال : البيضا بسكنها في الحوش الي هناك
قالت : والحمرا
قال : و الحمرا برضو بسكنها في الحوش نفسه
قالت : طيب لما بتفسحهم بتعملهم إيه ؟
قال : انهي فيهم البيضا ولا الحمرا ؟؟
قالت : البيضااااااااااااا
قال : البيضا بلف بيها حول الترعه لفتين
قالت : والحمرا
قال : و الحمرا برضو بلف بيها حول الترعه لفتين
قالت : انتا ليه كل مره اسئلك بتقولي انهو فيهم انهو فيهم
وفي الاخر بتعاملهم زي بعض؟
قال : اصل البقره البيضا بتاعتي
قالت : والحمرا؟؟
قال: والحمرا برضو بتاعتي

Thanks to Mohammed Nour

فرصة تانية

مرة الصعايدة اعترضوا على النكت اللي المصريين بيطلعوها عليهم
فجمعوا ناس من من عندهم وراحوا لرئيس الوزراء
قالهم خلاص يا رجالة انا عندي حل
نعمل اختبار لاذكى صعيدي عندكم ولو نجح في الاختبار انا هصدر قرار علشان محدش يقدر يقول نكت على الصعايدة تاني
الصعايدة وافقوا بس على شرط ان الاختبار ده يتعمل في استاد القاهرة وانا جماهير الصعيد كلها تيجي تشجع بس
رئيس الوزرا قعد في ارضية الاستاد مع محمدين ممثل الصعايدة قالي ماشي يا محمدين قالو ايه عاصمة مصر يا محمدين
قاله بغداد ا ريس
قاله الاجابة غلط انت سقطت في الاختبار
الجماهير كلها قالت في صوت واحد
اديله فرصة تانية اديله فرصة تانية
قالو ماشي يا محمدين علشان الجماهير الحلوة دي عاصمة مصر ايه قالو مدغشقر قالو غلط سقط في الامتحان الجماهير صوتت تاني اديلي اديله فرصة تانية اديله فرصة تانية
قالو اخر مرة بس ركز معايا عاصمة مصر ايه ده سؤال سهل جدا حتى الاسم على اسم الاستاد اللي احنا فيه ده
يالا يا حبيبي قول
محمدين قال القاهرة يا فندم
الجماهير صوتت
باعلى صوت
اديله فرصة تانية اديله فرصة تانية

Thanks to Hossam Abusedaa

نكتة سريعة

واحد بلديتنا كسب 60 مليون دولار إشترى رونالدو

أبو هنداوي

هريدى: كيفك يا هنداوى عامل ايه ؟ بجالى مده ماشفتكش ..كيفك وكيف ابوك
هنداوى: أنا ماشي حالي الحمد لله بس الوالد البجية فى حياتك
هريدى: البجيه فى حياتك.. عارف كان عندو الجلب يالله الله يرحمو‎
هنداوى: بس والله ما مات من الجلب‎
هريدى: معجول ؟! كيف توفى؟‎
هنداوى: الله يرحمو بآخر فترة ضعف نظرو كتير.. مرة طلع ع البلكون ما شاف الحافة وجع وانت تعرف بيتنا تالت دور‎
هريدى: واه واه موته وعره جوى، بكل الأحوال الله يرحمو‎
هنداوى: والله تعذبنا فيه كتير وعملنالو حوالى 12 عملية ليتحسن
هريدى: لكن كيف توفى؟‎ !
هنداوى: صار يمشى على عكازة ومرة عم بيجطع الطريج، سيارة مسرعة خبطتو‎
هريدى: يا لطيف ... الله يرحمو‎
هنداوى: ربك رحيم كان فيه جار لنا حطو بعربيته ولحقو ع المستشفى بس النزيف الداخلي كان رهيب‎
هريدى: الله يرحمو بكل الأحوال‎
هنداوى: بس سفرناه على إسبانيا وجعدنا اكتر من 6 أشهر عم بنعالج فيه والحمدلله تحسن‎
هريدى: طيب كيف مات‎
هنداوى: صار عنده فشل كلوي حاد وجعدنا ندور على متبرع كلية وتأخرنا وصار معه تسمم‎
هريدى: الله يرحمو ارتاح‎
هنداوى: بالصدفة جالنا شخص بيعرفو من زمان تبرعلو بالكلوة بآآآآآآآآخر نفس‎
هريدى: لكان كيف مات؟‎ !
هنداوى: والله مرة بالبيت وهو جاعد ما انتبه ع الغاز اتحرج البيت وهو لحالو فيها‎
هريدى: يا لطيف على الموتة دى الله يرحمو‎
هنداوى: بس والله جارنا الله يجزيه الخير كسر باب البيت ولحقو بآآآآآآآخر لحظة‎
هريدى: فهمنا كيف مات‎ !!!!
هنداوى: والله اخر ما زهقنا اضطرينا نـطـخـه

كبسة

البوليس عمل كبسة على شوية شمامين و لفت نظره ان فيهم عيل صغير قوي واخد ركن
لواحده وعمال يسحب , فقام مقرب منه و سأله: و الشمام الصغير اسمه ايه؟
قام الواد رد عليه و قاله : كنتلوب يا باشا

---------------------------------------

هوباا

مرة واحد بيعدي الشارع مع صحابه خبطته عربية مات.
نقوا واحد منهم عشان يقول لمراته فراح لها فتحت له الباب قال له: " جوزك ضيع كل فلوسه ع القمار"
قالت له: " إلهي ينشل البعيييد!"
قال لها: " و باع البيت"
قالت له: " إلهي يبيعوا عنيه!"
قال لها: " و اتجوز عليكي على فكرة"
قال له: " إلهي يدخلوا عليا شايلينه"
الراجل قال: " بس.. خشوا يا شباب..."




مرة واحد صعيدى بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل

فى البار

مرة واحد حب يسكر فقرر الذها إلي اقرب بار و في البار حدث ما لم يكن في الحسبان
جلس صاحبنا علي البار و أستمع إلي حوار يدور بين أثنين سكرانين تعالوا نشوف ايه اللي سمعه
1: مساء الخير
2: مساء النووور
1: هو الأستاذ منين ؟
2: انا من القاهرة
1: يا محاسن الصدف اصل انا كمان من القاهرة
2: هو حضرتك منين من القاهرة
1: انا من المطرية
2: يا محاسن الصدف اصل انا كمان من المطرية
1: هو حضرتك منين من المطرية
2: ش التحرير
1: معقولة ؟ اصل انا كمان من ش التحرير
2: يااه مش ممكن
1: ليه ؟
2: مش عارف
1: ان شاء الله

طبعا ً صاحبنا استهتر بالحوار و قال عادي اي اتنين سكرانين ممكن يقولوا اي كلام لكن تعالوا نشوف بقية الحوار

1: هو حضرتك منين من ش التحرير
2: انا من عمارة رقم 40
1: مش ممكن اصل انا كمان من نفس العمارة
2: هو حضرتك ساكن في الدور الكام
1: انا في الدور الثالث
2: مستحيل دا انا كمان في الدور الثالث
1: يااااااااااااااه شوف الصدف يا اخي تبقي ساكن في نفس المنطقة و الشارع و كمان نفس الدور في العمارة و مانعرفش بعض
2: اه والله حاجة غريبة فعلا
1: هو حضرتك في اي شقة بالظبط
2: اللي جنب السلم
1: مستحيل دانا كمان ساكن في نفس الشقة

و طبعا صاحبنا في اللحظة دي كان هايتجنن
جه صاحب البار و قال له :
ياعم ماتخدش في بالك ده واحد و ابوه بيجوا يسكروا هنا كل يوم

غبي مولة

واحد بلديتنا رجله كانت بتوجعه فذهب للدكاترة فقالوا له : لازم نقطع رجلك فاخذ الساطور وقطع رجله بنفسه دون تخدير الدكاترة قعدو يصقفولو عشان شجاعتو اتبسط منهم خد الساطور قطع رجلو التانية

نكتة سريعة

واحدة صعيدية اتجوزت واحد لبناني حمل منها
.....................

منايفة

واحد بيسأل واحد صاحبه : ياعم الاسرائيليين لما كانوا بيحاربوا مصر ضربوا كل المحافظات ما عدا المنوفيه !!!
قاله أكيد يعني اليهود مش بيضربوا بعض
..............................................

واحد منوفي كان ناذر نذر انه لو خلف ولد يصوم عشر أيام و فعلاً ربنا أكرمه و جاب ولد و الراجل صام العشر أيام بعديها بكام يوم الولد مات المنوفي خصم العشر أيام من شهر رمضان
..............................................

نكت جديدة من أحمد شكر

واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر

------------------------------------------

بلدياتنا فتح محل انابيب غاز .. فجّر اسطوانتين فى وسط البلد .. دعاية

------------------------------------------

واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية

-----------------------------------------

مرة واحد كان نفسه يعمل حاجة الناس تفتكره بيها
ففكر انه يغلم نملة الباليه وفعلا جاب النملة ونجح فى تعليمها.... وقال يا ترى مين يقدر الفن ده
قرر انه يعرضها على الاطفال
فقابل ولد وسأله اسمك ايه ؟ قال محمد...
قال الراجل ايه دى ...
قال الولد :دى نملة وفعصها باصبعه....

الراجل اتجنن وقعد فى المستشفى سنين كتيره...
المهم علم نملة تانية الباليه....
وقال المرة دى نعرضها على الشباب بيفهم أكتر
فراح لشاب و سأله اسمك ايه قال :محمد
قال الراجل :ايه دى قال الشاب: قلتلك من عشرين سنة ان دى نملة وبرضه فعصها باصبعه

------------------------------------------

بلدياتنا سافر امريكا واصحابه نصحوه ياخد معاه 3 زلع مش علشان الاكل الامريكانى مش حلال بس نبهوه يسمى قبل ما ياكل احسن الشيطان ياكل معاه.اول شهر اكل اول زلعة بس نسى يسمى، تانى شهر برضه نسى يسمى، ثالث شهر طلع له الشيطان قال له:"ابوس ايدك امك سمى، صدرى اتحرق!"

------------------------------------------

واحد بلديتنادخل على واحدصحبه لقاه بيلعب دومينو مع الحمار قاله ياراجل بتلعب دومينو مع الحمار قاله الحمار الى مش عجبكده غالبنى عشرين دور

------------------------------------------

واحد بواب كل يوم ينزل ينادى على مراته
ويقول لها : عاوزة حاجة قبل ما أروح الشغل
فتقوله : لا
يروح قاعد على الدكة

------------------------------------------

واحد فشار بيحكي مغامراته لصاحبه الغلس
الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها
الغلس : يا كداب هو في الصحرة في عماره
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحرة في شجره

الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحرة
الفشار : فضلت اجري اجري لغاية ما أكلني ارتحت ؟

النكتة دي بتفكرني بيك يا بؤبؤ انت و رفرف ههههههههههه

نكتة من علاء

بيقولك مرة واحد قرر يرشح نفسه رئيس الجمهورية، مسكوه بتوع أمن الدولة و قالولوا أنت عبيط ولا ايه،
قالهم هو شرط؟

نكت مسخرة من أحمد خليل

مرة اثنين بلدياتنا في الجيش فالصول بيسأل الاول: ايه ده؟؛ قال له: البندجيه يافندم،

قال له: بندجية ايه ياهريدي دي وطنك دي امك،

فراح للعسكري التاني قال له: ايه دي؟، قال له: دي ام هريدي يا فندم.

----------------------------------------------

مرة واحد بلدياتنا وقع فى حفرة نزلولوا حبل طلع مخنوق .

----------------------------------------------

مرة واحد بتاع سمك ابنه مات فماشى فى الجنازة يقول: كان صاحى وبيلعب .

----------------------------------------------

محشش سأل واحدة اسمك ايه؟ ردت: أسماء؛ فقال: يعني ما فيش اسم محدد؟!

----------------------------------------------

مره واحد احول سجل في الجيش...... حطوه في قسم القصف العشوائي

----------------------------------------------

مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين ـــ جلها الحصبه ماتت

---------------------------------------------

مرة واحد راح السودان بالليل ملاقاش حد .

---------------------------------------------

سكران ماسك الفرخة بتاعته .قاعد يضرب فيها يضرب فيها ويقولها: كل يوم بيض بيض مافيش جبنه

---------------------------------------------

صومالى ركبه عفريت العفريت مات من الجوع

---------------------------------------------

مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى.

--------------------------------------------

واحد سكران فتح التلاجه وبص للجلي ...وجده بيرتعش :قالوه متخفش هاخد عصير

-------------------------------------------

مرة واحد خد مراته جنينه الحيوانات و صورها جنب قفص القرود وعلق الصورة فى الصالون وكتب تحت الصورة: هذه صورة زوجتى مع القرود (ملحوظة: زوجتى الثالثه على اليمين).

يا جدعوووووووووووووون نكت تاني من أحمد الملط

فلخم : آبا هي جبال الالب فين؟؟
ملخفن : اسأل امك هي اللي مابتحطش الحاجه مكانها
========================================
فلخم عمل حادثه بالعربيه .... فرجع البيت زي الحصان وحكى لأبوه ملخفن
ملخفن : العربيه اللي خبتطك رقمها كام؟؟
فلخم : 24999
ملخفن : يعني قول 25000
========================================
فلخم : آبا .... انا حلمت اني دست على ازازه ورجلي اتفتحت
ملخفن : احسن علشان تبطل تنام حافي
========================================
: ملخفن طلع برج القاهره .... وكان بيشب من السور وهو بيتفرج ... فطبعاً وقع .... وهو في السكه قال
ابقى عيل لو طلعت البرج ده تاني
========================================
!!!!!!!!!!فلخم وملخفن نزلوا يتمشوا ........... رجعوهم من على حدود ليبيا
========================================
عملوا مسابقه لتعجيز الكمبيوتر عن اي سؤال
كل ما حد يسأل سؤال عن اي حاجه .. يجاوب عليه الكمبيوتر بالتفصيل في اقل من دقيقه
جه عم ملخفن حط ورقه فيها السؤال بتاعه ...... الكمبيوتر اتحرق وطلع دخان وهباب
الناس قالتله : سؤالك كان ايه ؟؟
ملخفن : جُلت له ابو قردان قبل ما يخلف قردان كان اسمه ايه؟؟؟
========================================
(ملخفن ماشي في الشارع فخبطته عربيه (الله يكون في عون صاحب العربيه طبعاً
صاحب العربيه اداله 10000جنيه تعويض علشان ما يبلغش البوليس
(ده طبعاً غير مصاريف العربيه اللي اتخرشمت لكن ملخفن كل اللي حصله ان شنبه اتجزع)
.....طبعاً ملخفن خد الفلوس وطار على البيت وحكى لفلخم
!!!تاني يوم فلخم نزل وقف قدام القطر
========================================
اتنين من رجال الاعمال حظهم النحس خلاهم يعينوا فلخم وملخفن
الاول : انا عندي سكرتير غبي جداً
الثاني : انا عندي اغبى سكرتير ممكن تقابله
الاول : طيب حتى بص .... نده على ملخفن.. فجيه على طول
الاول قاله : خدالعشره جنيه دي اشتري بيها عربيتين مرسيدس
الثاني نده على فلخم .. وجيه على طول
الثاني : روح يا فلخم شوفني موجود في البيت ولا لأ
إتقابل فلخم وملخفن في الشارع
فلخم : فتحي بيه ده غبي قوي......جالي اروح اشوفه موجود في البيت ولا لأ
!!!!وهو معاه موبيل ويقدر يتصل بنفسه ويعرف
ملخفن : ده انت في عز...... انا سمير بيه اداني 10 جنيه وجالي اروح اشتري
!!!!!!!عربيتين مرسيدس و النهارده الحد والمحلات قافله
========================================
فلخم وملخفن راحوا جنينه الحيوانات .... دخلوا عند الاسود والنمور
هم الاتنين دخلوا راسهم في قفص الاسد وبيتفرجوا عليه وبينادوا عليه
الحارس : يا بلدينا كده غلط .... طلع راسك بسرعه من القفص انت وهو
ملخفن : جرى ايه يا عم ...... يعني احنا حناكله؟؟؟
========================================
فلخم دخل فندق 5 نجوم كان في فرح وهو كان عايز يروح دوره المياه فبيسأل واحده
في الفرح وهو مكسوف جداًً ... وبيوشوشها في ودنها
فلخم : لو سمحتي التلاوَت منين ؟؟
البنت ضحكت وقالت : قصدك التواليت ؟ .... من الناحيه التانيه
فلخم لف وشوشها في ودنها التانيه : التلاوَت منين؟؟
========================================
كل لما عم عوض الفلاح يعمل حاجه غبيه جداً ... فلخم وملخفن يعملوا حاجه اغبى بكتييير
لحد ما عم عوض راح باني كوبري في الصحراء
تاني يوم لقاهم واقفين عليه وماسكين سناره وبيصتادوا
========================================
ملخفن خرج من محطه القطر في الجيزه (قدام مجمع الجيزه) لقى واحد لابس بدله شيك قوي وواقف
محطه الاتوبيس ...... في واحده ست عجوزه جات قالتله : قولي يابني انا عايزه اروح السيده زينب
اركب ايه ؟ ....... الراجل الشيك : إركبي اتوبيس 923
شاب جه سأله : قولي يا استاذ انا عايز اروح لعبد المنعم رياض اركب ايه؟؟
الراجل الشيك : اركب اتوبيس 109
ملخفن بقى راح يسأله : جوللي يا بيه ... انا عايز اروح لعتريس ابن عمي اركب ايــــــــه؟؟؟؟؟؟؟
========================================
ملخفن تاه في الصحراء هو وواحد امريكي وواحد الماني
لقوا مصباح علاء الدين السحري .... مارضيوش يخلوا ملخفن هو اللي يدعكه علشان
ما يموتش الجني ....... الامريكي دعكه طلع الجني وقال : كل واحد ليه طلبين بس
الامريكي انا عايز احدث كمبيوتر في العالم وطياره ترجعني بلدي
في ثواني كانت الحاجه عنده ومشي
الالماني : انا عايز احدث عربيه مرسيدس وطياره ترجعني بلدي
في ثواني كانت الحاجه قدامه ومشي
الجني قال لملخفن : وانت ؟؟
ملخفن : عايز طبج كشري
الجني جابله الكشري وملخفن قعد يأكل فيه ............ وبعد لما خلصه الجني سأله : طلبك التاني ايه؟؟
ملخفن : واحد كمان وحياه ابوك
========================================
ملخفن خبط واحد بالعربيه ... وفي التحقيق دار الحوار ده
الضابط : خبطته بالعربيه ازاي ؟؟
ملخفن : يا بيه انا اديتله كلاكس ... وجبتله نور .. وادتله فلاشر .. وهو اللي ما رضيش يبعد
: عن طريقي .. اعمل له ايه اكتر من كده ؟؟؟ ................ الضابط قال للمصاب
بيقول انه ادالك كلاكس وفلاشر وانت مارضيتش تبعد عن طريقه..... ليه ؟؟
المصاب : يا بيه انا قاعد في البقاله بتاعتي ... ابعد اروح فين؟!؟!؟!؟!؟
========================================
ملخفن وقف في ميدان التحرير وبيقلع هدومه
العسكري بيسأله : بتقلع هدومك ليه؟؟
ملخفن : كنت راكب اتوبيس والكمساري جاللي انزل غير في التحرير
========================================
مراته بتخبط عليه في الحمام وبتقول له : ناولني فرشه البلاط من عندك
ملخفن : لسه هاغسل سناني
========================================
ملخفن : ولع الراديو
فلخم : ماعييش كبريت
ملخفن : ولا ولاعه؟؟؟؟؟؟
========================================
الناظر : ابنك ده يا استاذ اغبى تلميذ في المدرسه
%ملخفن : ايه اللي بتجوله ده؟؟؟؟ ده ابني جاب السنه اللي فاتت 48
الناظر : شوف بنفسك .. يافلخم .. روح شوفني موجود في مكتبي ولا لأ
فلخم راح ورجع بعد شويه وقال : رحت ومالجيتش حضرتك في المكتب يا استاذ
الناظر : شوفت الغباء بقى ؟؟؟؟ علشان تصدقني
ملخفن : ايوه صح عندك حق... يا واد يا غبي .مالجيتوش في مكتبه روح شوفه عند الوكيل في الحوش ... اتصرف
========================================
الميكانيكي : الكاوتش ده ضرب ازاي ؟؟
ملخفن : دست على ازازه
الميكانيكي : وما شوفتهاش ازاي وهي بتلمع في الشمس
ملخفن : ما هو الراجل الحمار كان حاطتها في جيبه
========================================
(فلخم وابوه ماشين في الشارع لقوا اعلان مكتوب على عامود نور (شقه للبيع
فلخم طلع على العمود وعمال يخبط عليه
ملخفن : بتعمل ايه يا فلخم؟؟؟
فلخم : عايز اسأل على الشجه دي بس محدش بيفتح .... يظهر انهم خرجوا
!!!!!!!!!!!!!!!!!!!!!!!!!!!!!!!!!!!!ملخفن : غربيه دي .... مع ان النور منور

كتير ملة

ــــــــــــــــــــــــــــــــــــــــــــــــــ ـــــــــــــــــــــــــــــ
مره واحد غلس اوي محكوم عليه بالاعدام هو واحد صاحبه فيسالوا صاحبه نفسك في ايه قبل ما تموت قالهم نفسي اشوف امي قالوا للغلس وانت قالهم نفسي ميشفش امه
ــــــــــــــــــــــــــــــــــــــــــــــــــ ـــــــــــــــــــــــــــــ
واحد ندل اوي راح علي الترب وشغل اغنيه الحياه حلوه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
واحد بتاع فيديو جيم مات كتبه علي قبره جيم اوفر
ــــــــــــــــــــــــــــــــــــــــــــــــــ ــــــــــــــــــــــــــ
مره واحد صعيدي ركب تاكسي فالسواق نزل يجيب سجاير رجع لقي الصعيدي شايل عصايه الفتيس بيقول ايه اللي انت عمالته ده قاله لقيت بتلخلع فيها شلتهالك علشان متتعبش
ــــــــــــــــــــــــــــــــــــــــــــــــــ ـــــــــــــــــــــــــــ
مرة واحد ظريف عاش في الدور.واحد أظرف منه عاش في الدور اللي فوقه
ــــــــــــــــــــــــــــــــــــــــــــــــــ ــــــــــــــــــ
مدير مدرسة عمل فرح وزع على المعازيم أرقام جلوس.
ــــــــــــــــــــــــــــــــــــــــــــــــــ ــــــــــــــ
واحد شحات راح لواحد عجلاتي قال له أعطيني مما أعطاك الله، قال له
العجلاتي خد لك لفة.
ــــــــــــــــــــــــــــــــــــــــــــــــــ ـــــــــــــــــــ
مدرس جغرافيا جاب لمراته هدية سلسلة جبال
ــــــــــــــــــــــــــــــــــــــــــــــــــ ـــــــــــ
واحد صعيدي نزل محطة مصر لقى بتاع الأنابيب بيخبط عليها، قال له
افتحلي واحدة ساقعة لو سمحت
ــــــــــــــــــــــــــــــــــــــــــــــــــ ــــــــــــــــــــ
واحد صعيدي راح امريكا لقى كل الشباب لابسين تشيرت مكتوب علية سفن
اب كوكاكولا - بيبسي
راح كتب على الجلابية عصير قصب
ــــــــــــــــــــــــــــــــــــــــــــــــــ ـــ
دكتور عيون قاعد مع خطيبته في حديقه الاسماك معاه ورده قالها شايفه
الورده دي يا حبيبتي قالت له ايوه فرجع ايده لورا شويه وقالها طب وكده
ــــــــــــــــــــــــــــــــــــــــــــــــــ ــــــــــــــ
مرة واحد متجوز عنده دولاب قافلة 20 سنة والمفتاح معاه هوه بس*
مراته هتجنن وفي يوم راح الشغل ونسي المفتاح.
مراته فتحت الدولاب لقت 20 الف جنيه وبيضتين.
لما رجع سالته ايه حكاية البيضتين قالها بصراحه كنت كل ماخونك أحط بيض في
الدولاب الست قالت عشرين سنه جواز ومرتين بس مش مهم وسالته طب
والعشرين الف جنيه
قالها كنت كل ماجمع كرتونه ابيعها
ــــــــــــــــــــــــــــــــــــــــــــــــــ ــــــــــــ
زوجه خوافه قوى كل يوم وهيه نايمة جنب جوزها تقولهاالحق يا عبده أنا سامعه صوت فى حرامى فى البيت جوزها تعب قوى مش عارف ينام وكل يوم على كده
قام قلها ياستى ماتخافيش الحرامى لما بيروح يسرق ما بيعملش صوت تانى يوم
صحته من النوم الحق يا عبده أنا مش سامعه صوت فى حرامى فى البيت
ــــــــــــــــــــــــــــــــــــــــــــــــــ ــــــــــــــــ
كمسري أبوة مات ماشى في الجنازة يقول يا حضرات الجنازة فاضية آدام
ــــــــــــــــــــــــــــــــــــــــــــــــــ ــــــــــــــــ
ٍتلاته عمالين بيحششوا فى مزرعه فراخ طب عليهم البوليس استخبوا فى تلات شوله جه الظابط شاط الشوال الاول برجله
قام الحشاش الاول عمل نفسه بط و قعد يكاكى راح الظابط سابه و راح عالشوال التانى و شاطه قام الحشاش اللى
جوه قعد يدن و يقلد صوت الديك الظابط سابه و راح عالشوال التالت برضه شاطه
برجله الحشاش التالت متكلمشى..شاطه تانى بس بالجامد برضه متكلمش قعد
الظابط يخبط فيه طلعله الحشاش يقوله بطاطس بطاطس انت مبتفهمش
ــــــــــــــــــــــــــــــــــــــــــــــــــ ــــــــــــــ
واحدة فافى راحت لمصنع من مصانع تعبئة الالبان وشافتهم وهم بيحلبوا البقر
فسالتهم طب والبقر الفاضي بتعملوا فيه ايه
ــــــــــــــــــــــــــــــــــــــــــــــــــ ــــــــ
شرطي مرور خلف واد بيتكلم بالاشارة
ــــــــــــــــــــــــــــــــــــــــــــــــــ ــــــ
مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له
: درة يا بيه..... فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه....
راح مشي التاجر بالعربيه وهو في الطريق وقفته لجنه تموين تاني وقال له المفتش انت بتأكل الكتاكيت دي ايه قال له بأكلهم علف يا بيه فقال له المفتش انت ايه يا أخي انت ما بتفهمش دي بتاكل درة وعمل له
غرامه 1000 جنيه وبعد شويه وهو ماشي وقفته لجنه تموين تاني وقال له
المفتش انت بتأكل الكتاكيت دي ايه قال له يا بيه انا كل يوم الصبح ادي كل
كتكوت جنيه وهو ياكل اللي هو عايزه
ــــــــــــــــــــــــــــــــــــــــــــــــــ ـــــــــــــــــ
واحد راح الصيدلية وقال للدكتور : عايز لبن اطفال ..... الدكتور: اسمه ايه ؟
الراجل : اسمه اشرف
ــــــــــــــــــــــــــــــــــــــــــــــــ
فرختين مشيين الاولى معلقة بيضة على رقبتها .. فالتانية بتسالها اية البيضة
دى؟ قالت دى صورتى و انا صغيرة
ــــــــــــــــــــــــــــــــــــــــــــــــــ ــــ
مرة واحد سعودي لقى مصباح علاء الدين دعكه طلعله الجني قاله شبيك لبيك تطلب ايه: قاله: طلعلي كل المصريين من السعوديه فالجني قاله: ليه بس يا عم احنا عملنالك حاجه
ــــــــــــــــــــــــــــــــــــــــــــــــــ ــ
صعيدي موت ابوه علشان يحلف برحمته
ــــــــــــــــــــــــــــــــــــــــــــــــ
واحد صعيدى عينوه مدير ملجأ أيتام اول قرار اخده اجتماع لأولياء الامور
ــــــــــــــــــــــــــــــــــــــــــــــــــ ــــــ
ترزي متجوز واحدة قصيرة فكلها التنية
ــــــــــــــــــــــــــــــــــــــــــــــــــ ـــــ
واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم
، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام
، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين
ــــــــــــــــــــــــــــــــــــــــــــــــــ ــــــــ
واحد بيقول لمراته انا بحب فيتراك جدا قالتله و انا بحب محمود جدا جدا قلها بس فيتراك ديه مربه قالتله و محمود ده عسل
ــــــــــــــــــــــــــــــــــــــــــــــــــ ــــــــــــــــ
واحده ست اشتركت فى من سيربح المليون جوزها طلقها عشان اتصلت بصديق
ــــــــــــــــــــــــــــــــــــــــــــــــــ ــــــ
مرة واحد سافر الكويت لقى الاسامى بوحمد و بو فهد و بو محمد و بو فيراس راح سمى نفسه بوكيمون
ــــــــــــــــــــــــــــــــــــــــــــــــــ ــــــــــــــــــــــــــــــــــــ
ٍكان في واحد شكله وحش قوي قوي قوي عايز يتجوزفراح واتقدم لواحده* فابيقول لأبوها :انا يا عمي بلا فخر عملت نفسي بنفسي
قاله: ما انا برضه بقول استحاله تكون خلقه ربنا
ــــــــــــــــــــــــــــــــــــــــــــــــــ ــــــــــــــــــــــــــــــ
واحد جزمجى زعل...جت له جزمة نفسيه
ــــــــــــــــــــــــــــــــــــــــــــــــ
جزمجى ابنه مات ...نزل له فى الجرنان نص نعل
ــــــــــــــــــــــــــــــــــــــــــــــــــ ــــــــ
واحد جزمجى أبوه مات.......جه يعمل له أربعين طلع ضيق عليه ...عمل له 42
ــــــــــــــــــــــــــــــــــــــــــــــــــ ــــ
واحد جاله هبوط الدكتور كتبله على براشوط
ــــــــــــــــــــــــــــــــــــــــــــــــــ ـــ
دكتور عظام ماشي فى الشارع * الكلاب جريت وراه
ــــــــــــــــــــــــــــــــــــــــــــــــ
واحد صعيدى ركب دماغة داس عيل صغير
ــــــــــــــــــــــــــــــــــــــــــــــــــ
واحد بلديتنا كسب 60 مليون دولار إشترى رونالدو
ــــــــــــــــــــــــــــــــــــــــــــــــــ ـــــ
بلدياتنا مبيعرفشى يعوم وقع فى البحر مات محروق
ــــــــــــــــــــــــــــــــــــــــــــــــــ ـــــــــــــــــــ
مرة واحد بلدياتنا نام بالمقلوب صحى رجله معمصة
ـــــــــــــــــــــــــــــــــــــــــــــــــ
بلدياتنا و امريكى و يابانى عرضوهم على جهاز كشف الكذب

اليابانى: إحنا بنفكر نعمل انسان آلى و نستغنى عن البشر ، راح الجهاز ضربه..

الامريكى: احنا بنفكر نطلع المريخ و نعمل مستوطنات عليه، راح الجهاز ضربه..

بلدياتنا: إحنا (بنفكر) ولسه مكملش ،،،،،،،،،،راح الجهاز ضربه

ــــــــــــــــــــــــــــــــــــــــــــــــــ ــــــــــــــــــــــــــــــــــ
مره مسئول كبير راح يفتتح حمام سباحه كبير في سوهاج

فكان مدير الحمام بيشرحله مميزات الحمام فقال:

ده يا فندم المنط العشرين متر اطلع يا محمدين نط فنط

و ده يا فندم المنط الاربعين متر اطلع يا حسنين نط فنط

فقال المسئول هايل هايل

فقاله المدير ولسه كمان يا فندم لما نملاه ميه

ــــــــــــــــــــــــــــــــــــــــــــــــــ ـــــــــــــــــــــ
عربية كحيانة صاحبها سابها قدام بيت مهجور...ليه؟؟ عاوزها تبقى عربية شبح
ــــــــــــــــــــــــــــــــــــــــــــــــــ ــــــــــــــــــــــــــــــ
واحد فاتح محل سمك ابنه مات فقال كان لسة صاحى وبيلعب
ــــــــــــــــــــــــــــــــــــــــــــــــــ ــــــــــ
بلدياتنا سافر بالطيارة ومعه قرد قالت المضيفة الحيوان معك ......هز القرد راسه
ــــــــــــــــــــــــــــــــــــــــــــــــــ ــــــــــــــــــــــــــــــــــ
ٍجماعة بلدياتنا قرروا يفتحوا محل بيتزا سموة بيتزا هععععع
ــــــــــــــــــــــــــــــــــــــــــــــــــ ـــــــ
واحد صعيدى دخل فى رجلة مسمار معرفش يطلعة تناه.
ــــــــــــــــــــــــــــــــــــــــــــــــــ ـــــــــــــــ
مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه الكوابيس دى بتجيلك؟"
ــــــــــــــــــــــــــــــــــــــــــــــــــ ـــ
مرة بنت قالت لامها : هو السمك بياكل سردين؟ قالت ا يوة قالت لها : ازاي بيفتح العلبة؟؟
ــــــــــــــــــــــــــــــــــــــــــــــــــ ـــــــــــ
مرة واحد كل ما يشوف البرق يضحك ليه ؟ عشان يطلع حلو فى الصورة
ــــــــــــــــــــــــــــــــــــــــــــــــــ ــــــــــــــ
مرة واحد بلدياتنا وقع من الطيارة دخلت في رجله نخلة
ــــــــــــــــــــــــــــــــــــــــــــــــــ ـــــــــــــــــــــــــ
مسطول راح يودع فلوسه في البنك لقاه مغلق قام دخل الفلوس من تحت الباب

يمكن مكنش غني

قال لها : يمكن مكنش غني .. ولا عندي عربية ولا فيلا ولا مزرعة ولا شركه ولا فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت بتحبني بجد .....عرفني على محســـــــــــــــن

أمثال أوريجينال

اللى بيته من قزاز .. مايغيرش هدومه في الصالون.

من طلب العلا .. يتفضل في كابينة 4.

فاقد الشيء .. يدور عليه.

تأتي الرياح .. محملة بالأتربة.

اللى معاه قرش محيرة .. يجيب حمام ويحمره.

جت الحزينة تفرح .. شغلت شريط حكيم وقعدت ترقص.

اللى ياكل لوحده .. يشبع.

لا تبكي على اللبن .. في البسكوت.

اقطع عرق .. وحتة بتلو لو سمحت.

قال اطبخي يا جارية .. الأنبوبة فاضية يا سيدي.

لو كان حبيبك عسل .. حطله طحينة.

وبكرة ريما ترجع .. من عند خالتها في مارينا.

اصوم اصوم وافطر على المدفع.

القرش الأبيض بيعوم في البحر الأحمر.

اللى مايشفش من الغربال يكشف نظر.

المال السايب يعلم الطلبة.

من خرج من داره .. ماينساش يقفل الترباس

بلدياتنا في مسابقة

واحد بلدياتنا في مسابقة من سيربح المليون اتصل بصديق وقال له الو محمدين معانا 30 ثانية رايك احذف اجابتين ولا استخدم الجمهور

اتنين بيدوروا على زوجاتهم

اتنين بيدوروا على زوجاتهم فى السوق، فاتفقوا كل واحد يدور على مرات التانى، فاللبنانى بيوصف زوجته لبلدياتنا وقاله: شعرها أصفر

وعيونها زرق وبيضا وقوامها سمبتيك، ها.. وشو أوصاف زوجتك؟ رد بلدياتنا وقاله: سيبك من مراتى ويلا بينا ندور على مراتك؟

محشش كان حيخبط واحدة

واحد محشش كان حيخبط واحدة بالعربية . قالتله انت ماشفتنيش . قالها أيوه شفتك بس مش فاكر فين؟؟

محشش بيحكي لبنته حدوتة

محشش بيحكي لبنته حدوتة قبل النوم
مره جدي شاف عصفوره فقال الاسد هاتوا لي الارنب
فوقعت البقرة من فوق العمارة و لقت الام أبنها فرجع
الظابط من القسم و طلقها حبيبها و قال انتي طالق
طالق طالق شوفي وشك من حلاوتوا أوي فعمل حادثه
و جاله شلل فغرق فالبحر و نامت الفراشه على الطوبه
وقال النسر لازم نتعاون و أصطادوا حوت و خلص البصل و قال
لها انا بحبك و يوم ماراح المدرسه ضاع كشكول الواجب و قالت
مراته انا هاروح بيت اهلي و نام الفيل وعومنا في نهر النيل
و بعدين يومها قال بس خلاص ومها عرفت ليه الكلب يقول ميو ميو
ونامت البت من أبوها
تصبحوا علي خير

المنتخب السوداني

المنتخب السوداني بيلعب ماتش كورا, فالمذيع بيعلق على الماتش و بيقول
"المنتخب السوادني مكون من عثمان في حراسة المرمى و خط الدفاع عثمان و عثمان و عثمان و خط الوسط عثمان و عثمان و عثمان أما خط الهجوم عثمان و عثمان و عثمان و محمد !!! ايه ده مسيحي ده و الا ايه

مسطول بيقول

مسطول بيقول سبحان الله الانسان زي البنى ادم لما بيتوفى بيموت

واحد بلدياتنا غنى قوى

واحد بلدياتنا غنى قوى ..راح يصطاد فى افريقيا..ولما رجع سالوه صحابه اصطدت ايه قالهم3 غزلان و 2 حمار وحشى ويجى 60 او70 نوبليز..قالولو ايه نوبليز ده؟..قالهم معرفش حاجات بتتنطط لونها اسود قاعده تقولى نوبليز نوبليز نوبليز(no please)

جاسوس صعيدي

الموساد قررت تشغل واحد صعيدي معاها و بعد تدريب مكثف لمدة 3 شهور قرروا يرجع مصر ويبتدي الشغل

هريدي: وانا لما احب اتصل بيكم ابعتلكم جواب واللا اية؟ مدرب الموساد: جواب اية حتضيعنا الله يخرب بيتك......... احنا لما نعوزك حنبعتلك مندوب لحد عندك حيقولك ( ازيك كده وازي امك) ودي حتكون كلمة السر هريدي: تمام ياااااااااااافندم و سافر هريدي لمصر شهر اتنين تلاتة و الموساد احتاجت تديله تعليمات قاموا باعتين المندوب على مصر.... وصل العمارة سأل البواب : يا ترى هريدي بيه موجود؟؟ البواب (بقرف): أنهي هريدي بيه فيهم .... عندنا اربعة هريدي في العمارة المندوب(خاف لينكشف) : اي واحد فيهم البواب: عندك في الدور الأول طلع المندوب الدور الأول .. فتح الباب راجل.. قام قاله: انت هريدي ... قاللوه ايوه .... قاللوه: ازيك كده وازاي امك... قاللوه: العنوان غلط يا استاذ ... هريدي الداسوس ساكن في الدور الرابع

راحو يلعبو بلياردو

أغبيه راحو يلعبو بلياردو، واحد منهم وقف فوق الطرابيزة وقال لهم انا الجوووووون