يسقط الرئيس

اختفت القلل القناوي من السوق لحظة اعلان تنحي الرئيس من السلطة ويشاع ان ثمن القلة وصل الي مائة جنيه للقلة النظيفة ومائة وخمسين للقلة الغير نظيفة

الرئيس اتصل نائبه بعد التنحية بيقولة
اخبار الدنيا عندك اية … قالة الدنيا زى ماهى يا رئيس العيال فى الميدان
والارض بعنها والفلوس هربنتها .. فالرئيس قالة طيب ودى المسيحين على امريكا
والمسلمين على السعودية واقفل البلد على العيال وتعالى 

الجيش مسك واحد ماشي في الشارع بعد حظر التجول وسألوه: انت ليه انتهكت حظر التجول؟..قال لهم: اصل انا عندي تجول لا ارادي

سألوا الرئيس عن رأيه في التغيير، قال : التغيير ده سنة الحياة . قالوا :طب وسياتك مش هتتغير؟ قال : أنا فرض مش سنه

عقد الريس جلسة مع وزير الداخلية السابق  قاله حزينا: منعت الحشيش يا فالح؟ أهو الشعب صحصح

أبليس شاف 3 ملايين بيصلوا في ميدان التحرير راح مصوت وقال الله يخرب بيتك يا ريس بقالي 30 سنة أضلل فيهم وأنت بعماليك السودا دي تخليهم يتجمعوا ويصلوا ؟ وهتف مع المتظاهرين “يسقط يسقط الرئيس”

عارفين ليه يا شباب النظام سقط علشان شال 6 مواد من الدستور

شهود عيان فى أروقة وزارة التربية والتعليم أفادوا أنه تم تأجيل امتحانات الدور التانى إلى أجل غير مسمى، معللين هذا بأن النظام سقط وعاوز وقت عشان يلحق يذاكر

منقول من
http://www.masreat.com/%d9%86%d9%83%d8%aa-%d8%a7%d9%84%d8%ab%d9%88%d8%b1%d8%a9/